Batang 90's ka ba?

at dahil isang araw na lang, 2009 na, sasagutan ko 'to! alam ko walang koneksyon, pero pareho silang may 0 at 9. ok?


• Masaya ka kapag naglalaro ka ng Tex at Pog. Kadalasan ang design dito ay yung mga palabas sa TV, mga drama o kaya anime, may dialogue pa. lol.

-- hindi. huhuhu. exclusive at catholic school kasi ako nun. walang mga ganyan. pero sa subdivision namin... siguro meron. pero ako hindi.

(ano ba yan. unang-una, 'hindi' agad yung sagot. haha.)


• May comics pa ang bazooka. Kahit di mo maintindihan yung Fortune Cookie sa huli ay collection mo pa rin yun.

-- haha! binabasa ko talaga yung comics sa wrapper!! minsan nga bumibili ako para lang dun eh. :))
• Ang mga babae naglalaro ng paper dolls na tigpipiso bawat isang set sa sari-sari store.

-- oh my.. mga pinsan ko kalaro ko nito! haha.

• Nagwa-watusi ka kapag New Year kahit pinapagalitan ka ng nanay mo.

-- hindi eh. taga-nood lang ako ng mga nag-wa-watusi. :))

• Meron kang sapatos na umiilaw yung swelas kapag iniaapak mo. Mas sikat kung iba-iba yung kulay.

-- yes!!! pink na red yung kulay nung ilaw sakin. at talagang feel na feel kong maglakad nun pag yun ang suot ko. :))

• Pinapatulog ka ng yaya/nanay mo tuwing tanghali o hapon para raw lumaki. Hindi na kasi pinapatulog ang mga bata ngayon tuwing tanghali di tulad nung panahon natin.

-- TRUE. sobrang utang na loob ko sa pagtulog sa hapon kung bakit umabot pa ko sa height ko ngayon. kasi nung mga grade 3 o 4, malaki ako sa age ko. pero ngayon, WALA NAAAAA.....

• Kung babae ka, nagkaroon ka ng butterfly hairclips/rings. ( si Jolina ang nagpauso nito.) haha.

-- hahaha!! meron nga!! ang dami kong nakolektang ganyan!! yung lumilipad/gumagalaw yung pakpak!! haha.

• Naglalagay ka ng Kisses (yung mabango) sa pencil case mo, o kaya sa isang lalagyan na may bulak, alcohol at tinutusok ng karayom para mabilis manganak.

-- ay grabeh. ginawa ko 'to! nagpauto ako ng bonggang-bongga. as in inaalagaan ko sila. tas hindi alcohol yung ginamit ko nun eh. powder yung nilalagay ko. tas hindi ko naman tinutusok. pero kahit hindi man nanganak, at least mabango naman. :P

• Ang mga stationeries na uso: Papemelroti, Tsukuba, Sashikibuta. Pwedeng ibenta, pwedeng trade lang.

-- bentang-benta sakin 'tong mga statio na ganito. :))

• Pampalipas oras mo dati ang paglalaro ng Brick Game, at swerte yung mga may advanced version na may tumatagos na blocks para mapuno na yung gap sa loob. Mas advanced ka kung Tamagotchi ang nilalaro mo. Pinapakain mo, pinapatulog mo, at inililibing mo kung namatay na. At kung talagang kaya nyong bumili, Game Boy ang sayo. Pero kung wala ka talaga, yung laruan na lang na may tubig sa loob tapos dapat ma-shoot mo yung mga bilog sa stick na maliit.

-- meron ako dating Brick Game. masaya na ko dun. although nangarap din naman ako ng Tamagotchi, kaya lang hindi natupad eh. poorita kasi. haha. tas yung may tubig sa loob, hanggang ngayon naman may mga ganyan pa rin at nilalaro ko pa rin. :))

• Bago magsimula ang klase, nakikilaro ka muna sa 10-20, jackstone, langit lupa, ice water, taguan, dr. quack quack, tumbang preso, pepsi seven up at agawan base. Di bale nang madumi na ang uniform mo pagpasok ng classroom.

-- mga pinsan ko ang playmates ko sa mga ganitong laro. wala ako masyadong experience na ganyan sa elementary. :))

-- pero meron din naman pala. yung jackstone (original at yung japanese ba yun? yung something na parang may monggo sa loob. haha), ice ice water, 10-20. mga ganun. tsk. hirap kasi ng pinalaki ng mga madre eh. haha.

-- pag yung mga brutal na laro, at LARO TALAGA, mga pinsan ko ang kasama ko. ;)
• Sinasabi mo sa kaklase mo na "Liars go to hell" kapag tingin mo nagsisinungaling sya. "Cross my heart, hope to die" kapag nangangako ka. "Period no erase" kapag gusto mo walang kumontra sayo. Kaya lang wala kang lusot kapag sinabi ng kaklase mo na "Akin yung factory ng pambura".

-- haha! oo naman. gasgas na gasgas yang "Liars go to hell" at "Cross my heart, hope to die" na yan dati! meron pa nga, yung pag nag-p-promise, yung sa fingers na pinag-ko-konek. uhh. di ko ma-describe. basta yung pinky namin, ginaganun. :))

• Di ka baduy kung ang notebook mo nung elementary ay may mukha ng artista.

-- umm.. private eh. :((
• Nagpabili ka ng Baby-G sa magulang mo.

-- oo naman!! hahaha.
• Wala pang PS/PS2, XBox, Wii, atbp. noon. Family Computer pa lang, yung cartridge yung bala. Usong laro ang Mario Bros., Battle City at Rambo.

-- meron kami nyan!! haha. peyborit namin yung si Super Mario. ayoko kay Luigi. :))
• Meron ka ng isa sa mga ito: Family Computer, Nintendo, Sega, roller blades, brick game, Tamagochi, Swatch Watch w/ matching guard, Troll collection.

-- sorry naman. poor eh. Family Computer lang. :)) pero meron ako nung rubber shoes na may gulong. :))
• Alam mo ang mga linyang ito sa mga kanta: "Natatawa ako, hi hi hi hi", "Anong paki mo sa long hair ko", "Dahil sa bawal na gamot", "Mga kababayan ko, bilib ako sa kulay ko".

-- haha. alam ko yan hanggang ngayon. :))
• Isa dito ay theme song mo: "I Swear" by All 4 One, "What's Up" by 4 Non Blondes (And I say, Hey ey ey ey ey ey. I said hey, What's goin on!), "Zombie" by Cranberries.

-- umm... pwede all?

• Sumasayaw ka ng Macarena.

-- hihihi.. peyborit ko yan sayawin dati. :))
• Malamang ay naging fanatic ka ng isa sa mga sumikat na boy bands.

-- N' Sync, Westlife, Backstreet Boys, at A1 :)) masyado pa ata kong bata nung panahon ng The Moffats eh.

• Ang tinutugtog lagi sa radyo ay mga kanta ng mga banda gaya ng Eraserheads, Parokya ni Edgar nung nagpapalda pa lang sila, Alamid, Rivermaya, True Faith, The Youth, Afterimage at kung anu-ano pang pinoy bands.

-- yeahboi. ano, Singing Bee tayo ngayon, gusto mo? :))

• Tape pa ang uso, di CD or MP3 players. Pag gusto mo yung kanta kailangan tantyahin mo kung ilang seconds i-rewind yun para mabilis paulit-ulitin.

-- hahaha. oo nagawa ko na 'to. minsan nga namamaga na yung daliri ko sa kakapindot eh. rewind, play, forward. sus. :))
• Kinakanta nyo dati sa school yung "Heal the World", "Tell the World of His Love", "Jubilee Song", etc.

-- yess!!! memorize ko pa yan!! pati actions pa eh. :)) tas nung medyo mga Grade 5 o 6 na ko, Only Selfless Love na. :))
• Nanonood ka dati ng Power Rangers, Captain Planet o Ninja Turtles. Nagkukunyari pa kayo ng mga kaibigan mo na kayo yun at nagkakasipaan kayo.

-- haha. Power Rangers. Kimberly girl. :))
• Di ka papagalitan ng magulang kahit magbabad ka sa TV, basta ang pinapanood mo ay Hiraya Manawari, Bayani at Sine Skwela, kung saan nakilala mo sila Teacher Waki, Ugat Puno, Palikpik, at ang buong barkada nila lalo na kapag nakasakay sila sa space ship o sa jeep na lumilipad.

-- haha. halos lahat ata ng episodes ng Hiraya Manawari napanood ko. :)) tas hanggang ngayon naaalala ko pa rin yung babaeng pintuan na pinapakita pag mag-uumpisa na.

-- yung Bayani, di ako masyadong fan nun eh. minsan kasi na-bo-bore ako. pero keri na rin. naalala ko pa si lola (Caridad Sanchez) na napalitan na din after some time.

-- Sineskwela, ok lang. di rin masyadong fan. pero oo, kilala ko si Ugat Puno at Palikpik. :))

-- bat walang Math-tinik? lagi ko din pinapanood yan eh.
• Sinubaybayan mo ang Ghost Fighter at ang Dragon Ball. Naging favorite mo si Eugene at si Goku.

-- yes naman! Ghost Fighter! kahit na ilang beses nang ni-replay yan, pinapanood ko pa rin. haha. pero sorry, hindi ko favorite si Eugene at ang Ray Gun niya. gusto ko dyan si Master Jericho at ang kanyang pacifier. pati si Master Jeremiah na rin. :))

• Sinubaybayan mo ang Sarah ang Munting Prinsesa, Julio at Julia, at Cedi. Pinanood mo pa nga yung movie version ng Sarah ang Munting Prinsesa with Camille Prats. • Alam mo din yung "Ang Pulubi at ang Prinsesa" with Camille Prats and Angelica Panganiban.

-- OO NA. napanood ko na yan lahat.

-- "alam mo, kung lahat ng nagmamahal sa'yo, tinataboy mo, hindi ka magiging masaya..."
--> favorite line ko yan sa Ang Pulubi at ang Prinsesa. line yan ni Camille Prats kay Angelica. at soobrang inis na inis ako kay Angelica nun. affected?! haha. :))

• Gusto mong sumali sa ANG TV. Pero alam mong hindi na pwede. kaya kuntento ka na lang sa panonood nito tuwing 4:30 ng hapon.

-- "4:30 na!! Ang TV na!!" haha. naabutan ko ata yung original nito. kasi alam ko nung elem ako, sinubukan nilang i-revive to eh. pero di na nag-click.
• Batibot ang usong palabas. Akala mo nga mag-dyowa o mag-asawa sina Kuya Bodjie at Ate Sheena.

-- haha. sa GMA 7 'to di ba? therefore, hindi siya masyadong naging part ng life ko. pero keri na rin. :))

• Alam mo yung tono ng pinausong kanta ng show na "ATBP.": Isa.. dalawa-tatlo.. apat-lima.. anim-pito-walo.. syam-sampu... labingisa-labingdalawa... labingtatlo... labingapat-labinglima...

-- eto ang pinapanood ko (hindi Batibot). at alam ko ang tono nyan. :))

-- at mas kilala ko yung aso at pusa na nagtitinda sa tindahan kesa sa characters sa Batibot. haha.

• Napanood mo ang Batang X.

-- yes! :)

• Sabay kayo nanonood ng yaya mo ng Marimar.

-- hindi yan Channel 2 di ba? again, hindi yan part ng life ko. at kahit ngayon na ni-revive ni Marian, lalong hindi. :))

• Nanonood ka ng kahit alin dito: "Okay Ka Fairy Ko", "Oki Doki Doc", "Abangan ang Susunod na Kabanata", "Palibhasa Lalake", "Ober da Bakod", at "Home Along Da Riles"

-- medyo bata pa ko nung Palibhasa Lalake at Abangan kaya di pa siya masyadong nag-re-register sa utak ko. pero oo, pinapanood yan sa bahay dati. yung Oki Doki Doc at Home Along Da Riles naabutan ko na yan. :) pinanood ko pa nga kahit yung movie version nung Home Along eh. :))

• Galit ka kay Clara kasi sobra naman talaga sya mang-api kay Mara.

-- umm.. bata pa ko nun. di pa ko affected masyado.

• Pinanood mo din yung "Villa Quintana", "Esperanza", "Anakarenina" atbp.

-- Esperanza!! oo naman. haha. pati yung theme song niyan kinakanta ko eh. :))

• Mga love teams na nagpakilig sayo: Juday and Wowie. Jolina and Marvin.

-- ayikee. Juday-Wowie daw oh! haha. FINE. Jolina-Marvin? not much. basta yung movie nila na,

"OH YES, kaibigan mo ako. kaibigan mo LANG ako. and that's all i ever was to you, your best friend. takbuhan mo pag may problema ka, tagasunod, tagabigay ng advice, taga-enroll, taga gawa ng assignment. tagapagpatawa sayo kapag nalulungkot ka. taga tanggap ng kahit na ano. and i'm so stupid to make the biggest mistake of falling in love with my best friend. dahil kahit kailan hindi mo naman ako makikita eh. kahit kailan hindi mo akong kayang mahalin na higit pa sa isang kaibigan. ngayong alam mo na, i think you can get out of my life."

ok. ni-copy paste ko lang yan. haha! pero basta yang movie na yan, benta. :))

• Alam mo yung commercial ng Tender Juicy hotdog na ganito: "Dear diary, Carlo sat beside me today. He's so cute! Sabi niya I'm pretty kaya lang I'm fat."

-- HAHAHAHA!!! alam ko yan!!!! :))

• Kinakanta mo yung "Thank God it's Sabado, pati na rin Linggo..." at "Isa pa, isa pa, isa pang Chicken Joy".

-- yesss.. "isa pa, isa pa, isa pang Chickenjoy!!" haha. Serena, isdatchu??

• Nasa channel 2 pa ang Eat Bulaga at ang Mel and Jay.

-- ah really? di ko ata naabutan yan. :))
• Nakikita mo sa balita na may mga kultong nagtatago na sa kweba, kasi magugunaw na ang mundo sa year 2000, at yung mga computer daw bigla na lang mag-shu-shut down at mawawala na daw ang technology.

-- umm.. hindi rin.

• Chinese variety shows ang palabas tuwing umaga ng linggo.

-- OO!!! haha. pag yung before/after ng Sunday TV Mass.
• Matapang ka kung napanood mo lahat ng Shake, Rattle and Roll movies.

-- haha. may kasama naman akong nanood eh. :))
• Kung babae ka, naging crush mo si Leonardo di Caprio dahil sa Titanic. Kaya nga lang, bawal ka pa tumingin sa kissing scenes nina Jack at Rose. Haha.

-- ay hindi naman. pwede naman tumingin. kahit nung andun sila sa loob tapos yung kamay ni Rose, biglang gumanon dun sa window, keri. napanood ko. :))



haai.. nami-miss ko ang mga panahong yun... :(